Joseph Beuys,
نے کی تھی،
جو 21ویں صدی میں پوری پینٹ کو
لیرو لیر ، اور پھتی پھتی کرنے کا باعث بن گئی ،
اور گھٹنوں سے شروع ہو کر پیٹ کے قریب قریب پہنچ گئی ۔
یہ کام نیویارک گوگن ہائیم میوزیم میں دیکھا جا سکتا ہے ۔
شاہد حسین
29 جنوری 25
Sarcasm،
کا عام طور معنی طنز ہے جس سے مراد ایسے الفاظ کے استعمال کو کہتے ہیں جن کا مطلب اس کے برعکس ہو جو آپ واقعی کہنا چاہتے ہیں، خاص طور پر کسی کی توہین کرنے کے لیے، یا اسے چڑانے کےلیے، یا محض مضحکہ خیز طور ہونے کے لیے۔
مثال کے طور پر، یہ کہنا کہ "وہ واقعی سب سے اوپر ہیں" ایسے لوگوں کو بیان کرنے کے لیے جو بہت غیر منظم ہیں ،
یا پھر کوئی ایسی چیز جسے آپ عام سمجھ رہے ہیں مگر وہ عام نہیں ہے لہذا اس معاملے میں اپ ٹھیک نہیں ہیں ۔
اس طرح سے سارک ازم کے معنی اپنے استعمال کی ویرییشن میں صرف طنز سے کہیں زیادہ وسیع ہو جاتے ہیں ۔
دائیں طرف کا امیج ،
René Magritte,
کی 1929 کی پینٹنگ،
" یہ پائپ نہیں ہے"
(جسے یہ پائپ بھی کہا جاتا ہے) ایک حقیقت پسندانہ شاہکار ہے جو الفاظ، تصاویر اور اشیاء کے درمیان تعلق کو چیلنج کرتا ہے۔
جس کا آسان مطلب یہ ہے کہ کوئی بھی تصویر میں حقیقت پسندی کے ساتھ نظر انے والی چیز بھی اصل میں وہ نہیں ہے جو اصل ہوتی ہے ۔
پینٹنگ میں فرانسیسی فقرے،
"Ceci n'est pas une pipe"
("یہ پائپ نہیں ہے") کے ساتھ ایک تفصیلی پائپ دکھایا گیا ہے جس کے نیچے کرسیو اسکرپٹ میں لکھا گیا ہے۔
The Treachery of Images ,
اس میں بڑی ذہانت سے زبان اور معنی کے درمیان فرق کو بھی نمایاں کیا ہے۔ Magritte نے الفاظ اور تصویر کو اس انداز میں ملایا کہ وہ ہمیں جملے ، لفظ اور بیان کی گئی شئے کی اہمیت پر سوال اٹھانے پر مجبور کرتا ہے۔
جبکہ بائیں طرف نیویارک میں چلنے والی سب وے میں
بیئر کے اشتہار کے ساتھ اسی کیپشن کو بیئر کے اشتہار میں استعمال کیا گیا ہے ،
جس میں پرانی کیپشن کو بس ایسی یاد دہانی کے طور ہے "جیسا کہ آپ جانتے ہیں" اور یہ بھی کہ یہ بھی کوئی آرڈنری بیئر نہیں اور نہ ہی یہ اس کا اشتہار ہے ۔
شاہد حسین
13 فروری 25
"سیکھے ہیں مہ رخوں کے لیے ہم مصوری
تقریب کچھ تو بہر ملاقات چاہیے "
جبکہ مشہور مصور صادقین ،
اپنی خطاطی کی تعریف میں اپنی رباعی کے آخری دو مصرعوں میں کچھ یوں کلام کرتے ہیں ،
"مولیٰ نے حسینوں سے وفا کے بدلے،
دنیا میں ہمیں لوح و قلم بخشے ہیں "
مصوری اور شاعری کے یہ دونوں عظیم حضرات اپنے شوق کو مہمیز دینے میں
عشق مجازی کو علامت یا حقیقت تو ضرور بتا رہے ہیں ۔
لیکن میں نے مصوری پر کیوں لکھنا شروع کیا ،
یقین جانیے اس میں وجہ سراسر مصوری سے ہی عشق تھی ، یا پھر چلیے یوں کہہ لیجئے کہ عقل و فہم کی دیوی کو ہی رام کرنا تھا ۔
مشاہدہ اور دیکھے ہوئے پر سوچنے کی جیسے ہی ابتدا ہوئی ، تو گھر میں کلاسک اور حقیقت سے قریب تر سمجھے جانے والی جمالیاتی مصوری کو ہی دیکھا اور سمجھا ، جبکہ بیسویں صدی کی مصوری میں ایسا بہت کچھ دیکھنے کو ملا جو سمجھ سے بالاتر تھا، اور میں اسے صرف اس خیال سے رد نہیں کر سکتا تھا کہ چونکہ یہ مجھے سمجھ نہیں آتی تو یہ اپنی حیثیت میں کوئی معنی ہی نہیں رکھتی ، لہزا مجھے اس کے معنی تلاش کرنے تھے سو،
1995 سے میں نے باقاعدہ بڑی شد و مد کے ساتھ بیسویں صدی کی مصوری کا مطالعہ شروع کیا اور اسے بہتر طور سمجھنے کے لیے آسان لفظوں میں ترجمہ اور تحریر کا سلسلہ شروع کیا ۔
شائد دوسروں کو سکھانا بعد میں مقصد بنا پہلے خود سمجھنا تھا جو آج بھی جاری ہے ۔
شاہد حسین
13 فروری 25
کا کلر فیلڈ کام، جسے ان کی "کمپوزیشن" سیریز کے نام سے بھی جانا جاتا ہے، اس کی معنویت کی جڑیں فن، فطرت اور انسانی تجربے کے بارے میں ان کے فلسفیانہ خیالات میں پیوست ہیں۔
جس کے کلیدی اصول کچھ اس طرح سے ہیں ،
Mondrian،
کا فلسفہ نیو پلاسٹیسزم ، Neoplasticism پر مبنی ہے، جو خالص شکل، رنگ اور اسپیس کی اہمیت پر زور دیتا ہے۔ اس نے رنگ اور ساخت کی جذباتی اور روحانی خصوصیات پر توجہ مرکوز کرتے ہوئے فن سے ،
Representational ,
جس کا اردو ترجمہ واضح شکلی وضاحت اور کسی بیانیے کو ختم کرنے کی کوشش کی۔
موندریان کا خیال تھا کہ آرٹ کو توازن اور ہم آہنگی کے اس مقصد کےحصول کے لیے کوشش کرنی چاہیے، جو کائنات کی بنیادی ترتیب کی عکاسی کرتا ہے۔ اس نے اسی ترتیب کو جیومیٹریکل اشکال، لکیروں اور خالص رنگوں کے زریعے ، توازن کا احساس پیدا اور منتقل کرنے کے لیے استعمال کیا۔
موندریان کے کام کی اہم خصوصیت اس کی آرٹ میں آفاقیت کی خواہش ہے جو انفرادی تجربات اور ثقافتی حدود سے بالاتر ہو۔
اس نے ایسا فن تخلیق کرنے کی کوشش کی جسے ہر کوئی سمجھ سکے اور اس کی تعریف کر سکے، چاہے اس کا تعلق کسی بھی خطے یا ثقافت سے ہو دیکھنے والا ان سب سے بالاتر ہو کر اس کام کو دیکھے۔
موندریان کے کلر فیلڈ کام میں گہری روحانیت ہے، جو تھیوسفی میں اس کی دلچسپی اور اس کے آفاقی، نظریات کے ساتھ باہم جڑے ہوئے پورے تصور کی عکاسی کرتا ہے۔ اس کا خیال تھا کہ آرٹ شعور کی ان اعلیٰ حالتوں تک رسائی کا ذریعہ ہے جو خدا یا نیچر کو کسی وجدان یا ادراک کی طرح سے جاننے یا اس کا تجربہ کرنےکا ذریعہ ہو سکتا ہے۔
جس سے گزرنے اور دوسروں کو گزارنے کا پروسس بہت مختصر اور غیر پیچیدہ ہونا چاہیے ،
اور یہی اس کے خالص رنگوں اور سادہ ترین اشکال میں دیکھا جا سکتا ہے ۔
اس کا کچھ کام نیویارک گوگنہائم میوزیم میں موجود ہے ۔
یکم فروری 1944,
نیویارک میں ہی اس نے وفات پائی ۔
شاہد حسین
یکم فروری 25
ـــــــــ
کوئی عالم فاضل محقق نہ ہونے کے باوجود ،
انسان بطور فرد اسکی نفسیات اور اس کے اجتماعی سماجی رویوں کا مشاہدہ اور ان پر سوچنا میرا ہمیشہ سے پسندیدہ موضوع ضرور رہا ہے ۔
اور جب یہ آپ کی عادت ہی نہیں بلکہ مزاج ہو تو پھر ہم بغیر کسی مشکل کے اپنے معمول کے مطابق یہ عمل کرتے ہیں ۔
اس شوق میں دیگر بہت سے مشاہدات کے ساتھ میں نے دیکھا کہ یہ جو انسان میں غصہ فرسٹریشن ایک احتجاج نفرت ، چاہے دوسروں کے لیے یا خود اپنے لیے اور اس کا پھر اظہار ہے ، یہ کہاں سے آتا ہے کیوں آتا ہے ؟
کیا لازم ہے کہ اس پر مصیبتوں و ناکامیوں کے پہاڑ ٹوٹتے ہیں ، وہ کسی ظالم جابر نظام کے مسائل اور ماحول کا شکار ہوتا ہے تب یا بغیر وجہ کے بھی آتا ہے ؟
وہ کبھی خود کو یا زیادہ تر دوسروں کو قصور وار کیوں سمجھتا ہے ؟
اگر وہ سوسائٹی کو الزام دیتا ہے تو کہاں سوسائٹی ذمہ دار ہوتی ہے اور کہاں کوئی سسٹم اور کہاں وہ خود ،اس حوالے سے یہ اور بہت سے دیگر سوالات پیدا ہوتے رہے ۔
اگر آپ اس کی آسان مثال دیکھیں تو ایک ایسا گھر جس میں کسی بچے کو بہت سی محرومیوں سے گزرنا پڑے یہ غصہ احتجاج نفرت اس میں تو ہو ہی سکتا ہے لیکن جسے بہت توجہ لاڈ اور پیار ملے اس میں کیوں ہوتا ہے ؟
عدم مساوات اور ناانصافی کے شکار سماج میں بھی نوجوان بوتلوں کے بم بنا بنا کر کسی پر پھینک سکتے ہیں ،
اور کسی خوشحال اور ہر طرح کی سہولت دینے والے سماج میں بھی نوجوان بچے شراب پی کر اس کی بوتلیں فٹ پاتھ پر چکنا چور کر سکتے ہیں ۔
لہذا اس کا کوئی ایک کرائٹیریا یا سیٹ پیٹرن نہیں ہے بس یہ انسان کے اندر پیدا ضرور ہوتا ہے ۔
چند روز پہلے ہمارے دوست منصور زبیری بھائی نے بتایا کہ وہ اپریل میں پینٹنگ اور مجسمہ سازی کی ایک نمائش کا انعقاد کرنے جا رہے ہیں ،
جس کا عنوان ہے ،
"بھڑاس"
تو جب انہوں نے مجھے اس پر کچھ لکھنے کی دعوت دی تو میرے لیے یہ پہلے سے ہی دلچسپی کا حامل موضوع تھا ۔
بَھڑاس کے معانی تو ہم جانتے ہی ہیں لیکن مزید وضاحت میں ،
جوش.حرارت یعنی مزاج کی گرمی.دل کا بخار ، .غم ، رنج.
یا فکر، طیش میں آکر کسی پر سخت لفظوں میں ظاہر کیا جانے والا ذہنی عدم اطمینان، کدورت وغیرہ ہے ۔
بَھڑاس کے دیگر مترادفات،
غُصَّہ تَعَصُّب عَداوَت بُغْض دُشْمَنی کِینَہ
اور مزید اس سے متعلق چند محاورے،
دِل کی بَھڑاس نِکالْنا
(بُرا بھلا کہہ کر یا رو دھو کر) دل کی کدورت دور کرنا، جی ٹھنڈا کرنا، غم و غصّہ وغیرہ ظاہر کرنا ہے ۔
اب اگر ان تمام انسانی اعمال افعال رویے احساسات کیفیات و جذبات سے ظاہر ہونے والے عناصر کو دیکھا جائے تو آپ کا کیا خیال ہے کہ ہم انہیں ، صرف منفی یا انسانی طبیعت کے کچرے کا اخراج کہہ سکتے ہیں ؟
نہیں ایسا نہیں ہے بلکہ یہ وجوہات کے کسی بھی ایندھن کے جلنے سے اور رد عمل کی طرح اس سے پیدا ہونے والی توانائی کی بے شمار مختلف مختلف صورتیں ہیں ،
جنہیں اگر کسی بھی باتصویر لغت کی شکل دی جائے تو ان میں سے ہر ہر تصویر وہی ہوگی جو کہیں نہ کہیں کسی نہ کسی دور میں ہمارے آرٹ کا حصہ رہی ہے ۔
یہ بات ٹھیک ہے کہ صرف یہی اجزاء مصوری کا حصہ نہیں بلکہ امید ، سہانے خواب ، عقیدت ،عشق محبت سے لے کر دیگر بہت سے خوبصورت اور جمالیاتی اجزاء کا بھی آرٹ میں اہم کردار ہے،
خاص طور پر اگر ہمارے خطے کی بات کی جائے تو یہاں کسی بھی سماجی خرابی ،ظلم و جبر سے لے کر دیگر مسائل تک کے ردعمل میں زیادہ تر جو ہماری مصوری نے کردار ادا کیا ہے وہ کسی محبوبہ یا،ایسی شفیق مامتا کا کیا ہے جس نے بالکل فریدہ خانم جی کی ایک گمنام لوری کی طرح سے سماج کو تسلی دی ہے ،
"تیرے لیے یہ مصیبت اٹھائی ہے سو جا سو جا سو جا ،
تو بے قصور ہے میرا بھی جرم کوئی نہیں ۔ ۔ ۔ "
لیکن اگر دنیا بھر میں دیکھا جائے تو انسانی مزاج اور اس کی نفسیات کے بہت سے پیچیدہ پہلوؤں سے لے کر اس کے عملی اظہار ری ایکشن و احتجاج میں مصوری کا بہت اہم کردار رہا ہے ۔
Expressionism,
Abstract expressionism,
Surrealism,
Dadaism,
Social realism ,
and Protest art,
میں سے پروٹیسٹ آرٹ تو خاص طور پر ایسی ہی خصوصیات کے اظہار کا حامل رہا ،
اس میں چاہے ، گرافیٹی آرٹ سب سے اہم رہا جس میں کسی بھی ریاست کے ظلم و جبر کا شکار نوجوان یا پرجوش مصوروں نے رات کی تاریکی میں چھپ کر دیواروں کو یا ہر دستیاب سطح کو پینٹ کیا، سلوگن لکھے ، پوسٹر بنائے یا کارٹون یہاں تک کہ لٹریچر میں بھی اس کا بہت اہم کردار رہا یہ سب اصل میں "بھڑاس" ہی تھے ۔
موجودہ حالات میں پاکستان طویل مدت سے جس طرح کی صورتحال سے گزر رہا ہے ، اس کی اگر تفصیلات نہ بھی بیان کی جائیں تو ہر فرد اور سماج کے کسی بھی درجے پر موجود افراد ان سے گزر ہی رہے ہیں ،
جس کے سبب یا رد عمل میں ان کے اندر یہ ویکیوم یا بھاپ پیدا ہو رہی ہے،
اور میں سمجھتا ہوں کہ ان افراد میں سے مصوروں کو اس نمائش کے ذریعے اسے اظہار کرنے کا بہت ہی بہترین موقع دیا جا رہا ہے ۔
کیونکہ اس قسم کے بہت سے تجربات کے نتائج موجود ہیں جو بتاتے ہیں کہ بھڑاس کے نام پر نکالے گئے تمام بظاہر غیر جمالیاتی یا غیر تعمیری سمجھے جانے والے اخراج کے بعد جو طبیعت میں ٹھہراؤ بچتا ہے وہ پھر توانائی کی ایک دوسری سوفٹ شکل ہوتی ہے ۔
اور کسی بھی سماج کی تعمیر میں یہ ٹھنڈی اور گرم دونوں تاریں توانائی دوڑانے کا کام کرتی ہیں ۔
شاہد حسین
7 فروری 25
"رنگ بہاروں نے بھرا میرے جیون میں."
واقعی یہ رنگ آج کی انڈین بہاروں کے موقف ینگ یوتھ نے ہی بھرا ھے.
کمال کردیا ھے.
Nisar Ahmed:
درست کہا.... بس یہ معلوم نہیں کہ یہ اپنا حسن کھو رہا ہے یا چار چاند لگا رہا ہے۔
Ajab Khan:
دلاری.........
نثار بھائی اس سے پہلے یقیناً آپ نے مغل اعظم کا کلر ورژن دیکھا ہوگا اس میں کلر خاصے شارپ اور سیچوریشن میں تیکھے تھے یا مجھے لگے ہیں،
اس گانے میں بڑے بھلے لگ رہے ہیں.
اچھا ہم چونکہ اس جنریشن سے ہیں جس نے بلیک اینڈ وائٹ کا شباب اور کلر کا جوبن دیکھا ھے. تصویر کی حد تک بلیک وائٹ اپنا چارم رکھتی ھے، فلم کے معاملے میں کلر فلموں نے عادت بگاڑ دی ھے۔
Shahid Hussain:
نثار بھائی بلیک اینڈ وائٹ دور سے اصل میں ہماری ایک نوسٹیلجک ایفلئییشن ہے ،
بالکل اسی طرح سے جیسے محلے میں کسی کے پرانے کھنڈر مکان سے ہماری ایک جذباتی وابستگی بن جاتی ہے اور جس دن وہاں کے مکین اسے تعمیر کرواتے ہیں ،
ہمیں ایک ٹھیس سی لگتی ہے ،
او تیرے کی !
یہ گھر تو نیا بن گیا ،
بالکل اسی طرح سے ہمیں پرانی بلیک اینڈ وائٹ فلموں کو رنگین ہوتے دیکھ کر تھوڑی مایوسی ہوتی ہے،
لیکن میں اسے پوزیٹو سمجھتا ہوں
کہ اس دور کو زندہ رکھنے کی کوشش کی جا رہی ہے ،
غور کیجئے کہ ,
1956 کی چوری چوری فلم کے اس گانے میں موجود گمنام رقاصائیں تو کیا ، ہیروئن تک مٹی میں مل چکی ،
لیکن وہ آج ہمیں اپنے اسی دور کے رنگین جاموں میں زندگی کے رنگ بکھیرتی سبز کھیتوں میں رقص کرتی نظر آرہی ہیں ۔
اگر یہ پوری فلم ہی رنگین ہو گئی ہے تو میں تو اسے ضرور دیکھوں گا 😍
شاہد حسین
13 فروری 25
Shahid Hussain:
راشد رانا بھائی
یوں لگتا ہے سیف الدین سیف یہ شعر خاص طور پر آپ کے لیے کہہ چکے ہیں ،
سیفؔ انداز بیاں رنگ بدل دیتا ہے
ورنہ دنیا میں کوئی بات نئی بات نہیں ۔
جنگ اس دنیا پر ہمیشہ سے برپا رہی ہے اور اپنی سرزمین اپنے وطن کے لیے مر مٹنے کا درس ہمیشہ سے ہی انسان کی ترجیحی ضرورت رہا ہے ،
لیکن !
آج کی شور مچاتی دنیا میں ہمارے خود حفاظتی یا بہادری جیسے بنیادی اور خالص مقاصد بھی کس قدر پیچیدہ اور کنفیوز ہو چکے ہیں
اسے آپ نے اس آرٹ ورک مجموعے کی بکھری ٹکڑیوں میں بڑی خوبصورتی سے بیان کیا ہے یا یوں کہیے دیکھنے والوں تک منتقل کیا ہے ۔
ٹھیک ہے کہ کوئی بات نئی نہیں زمانے میں ، مگر آپ ہمیشہ اپنے ڈھنگ سے بات کہنے کا فن خوب جانتے ہیں ۔
آپ کے لیے بہت سی نیک خواہشات ۔
شاہد حسین
9 اکتوبر 24
[10/10/24] Rashid Rana:
شاہد بھائی
میرے نزدیک کسی بھی تخلیق کامعنی وہ کہانی نہیں جو بتانا مقصود ہوبلکہ اس کا اصل مفہوم تو اس کا انداز بیاں ہے۔
یعنیُ کہ کسی بات کو بتانے کا طریقہ ہی اس کے اصل معنی ہیں۔ اور یہ بات ہم غالب کی شاعری میں شدت سے محسوس کر سکتے ہیں۔
