Enemy at the gates
یہ فلم ہے , دوسری جنگ عظیم کے دوران شکست کے دھانے پر پہنچے ہوئے سوویت یونین کے ایک ہیرو کی ،
جو اپنے بہترین نشانہ باز ہونے کی صلاحیت کی بنیاد پر ، راتوں رات ،
روسی افواج جو ، جرمن افواج کے ہاتھوں ، ہر محاذ پر ، شکست کھاتی جارہی تھی ، کی بجائے فتح کی نوید بن گیا ،
ویسلے جو اپنی ہارتی ہوئی فوج کا ایک عام سپاہی تھا
لیکن جب اس نے تاک تاک کر ، دشمن جرمن افواج کے آفیسرز کو مارنا شروع کیا ،
تو اس کا یہ عمل روسی فوج میں امید اور طاقت کی ایک نئی ،لہر دوڑانے جیسا تھا ،
ایک ایسی طاقت کی لہر ،جس نے بالآخر سوویت یونین کو فتح سے ہمکنار کیا ،
یہ کہانی ہے جنگ کے ہیرو کی ،
جس میں فاتح اور مفتوح ، دونوں کا جانی نقصان ہوتا ہے
لیکن قوموں کو یہاں اس دنیا میں بہت سی دیگر جنگیں بھی لڑنی پڑتی ہیں ،
جس میں گولابارود اسلحہ بندوق کا استعمال نہیں ہوتا
لیکن ٹھیک نشانہ لگانے والے ہیروز کی یہاں بھی ضرورت ہوتی ہے ۔
جس سے کسی طرف سے کسی کی جان بھی نہیں جاتی ،
کیونکہ یہ جنگ ہوتی ہے ،
کسی قوم کی ثقافت کھیل اور فنون کی ،
اپنے فخر شان و شوکت اور پہچان کی ،
تو ہمیں یہ لڑائی بھی جیتنے کے لیے ہیروز کی ضرورت ہوتی ہے ،
اس میں کوئی شک نہیں ،
کہ پاکستان جو کہ ذہین ترین افرادی قوت ،اور دیگر بہت سے قدرتی وسائل سے مالا مال ملک ہے ،
لیکن ہم طویل مدّت سے ،حقیقی ترقی کے بجائے ایک سراب کے پیچھے بھاگ رہے ہیں ،
ہم بے شمار بیرونی اور اندرونی مسائل سے دوچار ہیں ،
جن کی طویل تفصیلات اور فہرست ہے ،
لیکن مختصراً یہی کہ آج ہم ایک مایوسی کے دور سے گزر رہے ہیں ،
اور دنیا کی بہت سی تیزی سے ترقی کرتی ہوئی اقوام کے مقابل خود کو کہیں بہت پیچھے دیکھ رہے ہیں ،
جس میں بہت سی قومیں اپنی پہچان کو کھوتا ہوا دیکھ رہی ہوتی ہیں ،
اور دشمن قومیں اپنی ثقافتی یلغار کے ساتھ آپ کے دروازوں پر دستک دے رہی ہوتی ہیں ۔
لیکن ہمارے بہت سے میدانوں کے ہیروز
ہمیشہ مایوسی میں کہیں نہ کہیں ہمیں توانائی سے بھرپور امید دیتے ہیں ،
جن میں سے ہم اس ہیرو کا ذکر کر رہے ہیں ،
جس کا شہرہ آج چاروں طرف گونج رہا ہے ،
دبئی ایکسپو ٹوئنٹی ٹونٹی کے ھیرو راشد رانا کا ،
یہ سچ ہے کہ دبئی ایکسپو ٹونٹی ٹونٹی میں ،ہمارےبہت سے فنکاروں نے حصہ لیا ہے ،جن کا ہم یہاں ذکر کرتے رہیں گے ،
لیکن اس شو کا ،
تاج سر پر سجانے والا فنکار راشد رانا ہی ہے ،
جس کا تعمیراتی شاہکار ، آج دبئی ایکسپو کے پاکستانی پویلین کا مرکزی فساڈ دنیا بھر کے آرٹ کے شائقین کو پاکستانی ثقافت کی خوبصورتی ،
اور امن کا چہرہ دکھانے کے لئے خوش آمدید کہہ رہا ہے ، ، ،
یہ راشد رانا ہے
جو آج کے آرٹ کے میدان میں ،
چونکانے اور حیران کرنے کے حوالے سے
ٹھیک نشانہ لگانے والے ہیرو ہی کی طرح ہے ،
جو پاکستانی قوم میں ، امید اور فخر کی ایک توانا لہر دوڑا رہا ہے ،
اور یہ بات صرف میں نہیں سب کہہ رہے ہیں ،
شاہد حسین
10 اکتوبر 21
No comments:
Post a Comment