Divine and Design

 

ہمارا یہ ایک مختصر سا گروپ

اپنے مقاصد کے حوالے سے

 دوستوں کو کچھ عجیب اور کنفیوز سا لگتا ہے ،

جس کی وہ مجھ سے اکثر وضاحت مانگتے ہیں ،

اب اس کی تفصیلات اتنی طویل ہیں کہ شاید کتاب الگ سے لکھنی پڑے ،

لیکن گروپ کے اصول و ضوابط پر لکھی گئی کتاب کو پڑھنے کی فرصت کس کے پاس ہے ،

اور مختصر طور بیان کی گئی بات کون سمجھ سکتا ہے ،جیسے کہ آج صرف ایک سوال پر بات کرتے ہیں ،

اگر یہ صرف آرٹ کا گروپ ہے

تو پھر اس میں موسیقی فلم ، شعر و ادب ، سے جڑے دوستوں کو شامل ہی کیوں کیا گیا ہے ؟

اس کے لیے میں یہاں پر ایلیمنٹس آف آرٹ پر بات نہیں کروں گا ،

جس سے یہ بات واضح ہوجائے گی کہ یہ صرف مصوری کے لیے مخصوص نہیں ہے ،

بلکہ ، پرنسپلز آف ڈیزائن پر بات کروں گا ،

جو آپ سب دوست جانتے ہیں صرف مضمون کی وضاحت میں بیان کر رہا ہوں ،

بیلنس ، یعنی توازن ،

یونٹی ، یعنی سب کچھ آپس میں مربوط ،

ورائٹی ، یعنی متنوع ہونا ،

ایمفیسس ،کسی خاص کو نمایاں کرنا ، کسی نقطے پر زور دینا ،

موومنٹ ، کسی ورک آف آرٹ کا متحرک یا ساقط ہونے کے باوجود اس میں حرکت کا احساس یا تاثر ہونا ،

پیٹرن ، یعنی کسی مضمون میں ہونا ، کسی خاص بندش میں ہونا ،کسی خاص یا الگ بناوٹ میں ہونا ،

پرپوشن ، یعنی متناسب تناسب میں ہونا ، 

کسی یونیورسل ، طے شدہ جمالیاتی تناسب پر یا دریافت شدہ تناسب پر ،

یہ و ہ سات بنیادی اصول ہیں

جو کہ اس تمام تر کائنات کی تخلیق میں ، 

مستعمل نظر آتے ہیں ،

قدرت لفظ قدر کا مجموعہ ہے

قدر کا مطلب مقدار ،جس کے بارے ،

 خدا کہتا ہے میں نے اس کائنات کی ہر شے کو متعین مقداروں سے تخلیق کیا،

یعنی ایک میتھمیٹیکل کیلکولیشن ،کی تقسیم ،

اور انہیں کسی ایک جگہ جمع کرنے سے ،

آج اس کا اعتراف سائنسدان بھی کرتے ہیں ،

جسے وہ گولڈن سیکشن ،

یعنی ،

ایک پرفیکٹ پرپوشن آف میتھمیٹیکل کیلکولیشن ،

جو ایک پیٹرن کی طرح سے ہے ،

اسی طرح سے ،کچھ سائنسدان کہتے ہیں ،

کہ اس تمام کائنات میں دل کی دھڑکن کی طرح سے ایک ردھم موجود ہے ،

نکولا ٹیسلا کہتا ہے ،

اس کائنات کا راز ،

توانائی ، فریکوئینسی ،

اور وائبریشن میں ہے ،

آئنسٹائن کہتا ہے یہ تمام کائنات مسلسل حرکت میں ہے،

 ،

تو جس طرح سے تمام پرنسپلز آف ڈیزائن اس کائنات کی تمام تر تخلیق میں کار فرما ہیں ،

اسی طرح سے تمام فنون میں

میں یہی پرنسپلز آف ڈیزائن کام کرتے ہیں ،

شاعری ، لٹریچر ، موسیقی ،

فلم ، فوٹوگرافی ،رقص ، 

تمام تر پرفارمنگ آرٹ سے ویژول آرٹ ، میں یہ پرنسپلز یکساں طور پر کام کرتے ہیں،

بس وہ ظاہر کسی الگ الگ خانوں یا پیٹرنز میں ہوتے ہیں ،

انداز و اطوار سے ہوتے ہیں ،

جب یہ الگ الگ خانوں میں ظاہر ہوتے ہیں ،

تو اکثر یہ ایک دوسرے سے لاتعلق ہو جاتے ہیں ،

جس کی وجہ سے یہ اپنے خانے میں انفرادی طور پر طاقتور ہونے کی بجائے کئی بار کمزور ہوتے نظر آتے ہیں

اسی لیے دنیا بھر میں انہیں آپس میں مربوط کرنے کی کوشش جاری رہتی ہے ،

اب یہاں ایک مثال آپ کے سامنے پیش کرتا ہوں ،

ابھی چار پانچ روز پہلے ،

میں رونوق کے مضافات میں

ایک ایسے فارم ہاؤس پر گیا ،

جسے رومانیہ کی ایک اولڈ لیڈی بالکل اکیلی سنبھال رہی تھیں ،

ہم نے وہاں سے گائے کا بلکل آنکھوں کے سامنے دوھا ہوا دودھ ، بالکل خالص پنیر ،

اور کچھ ایسی ہی اشیاء خریدیں ، اس کے ایک انتہائی فرینڈلی ڈوگ جسے اس بیچاری نے گارڈ ڈوگ سمجھ کر خریدا تھا، 

اور گارڈ ڈوگ قسم گییز کے ساتھ کچھ وقت گزارا ،

اور سب سے مزیدار بات

جب ہم نے اس خاتون کو اپنے تعارف میں کچھ اپنا کام دکھایا تو اس نے بتایا کہ اس کا بھائی اور دیور دونوں پینٹر ہیں ، اور وہ کچھ ایبسٹریکٹ کام کرتے ہیں ،ہم نے وہ کام بھی دیکھا جو بہت شاندار تھا،

اسی طرح سے ہم نے آرٹ مومنٹس اور بہت سی باتیں ،

جسے ظاہر ہے علم وفنون سے آگاہ سوسائٹی کی وجہ قرار دیا جا سکتا ہے ،

اگر ہم اپنے ملک کے آرٹسٹوں کو دیکھیں ،

تو وہ کچھ نہ کچھ دیگر فنون سے شدبد رکھتے ہیں ،

لیکن ضروری نہیں کہ بہت زیادہ ،

جبکہ دیگر فنون سے متعلق

شعبے مصوری کے بارے،

کچھ زیادہ معلومات نہیں رکھتے ہیں ،

ہو سکتا ہے میں اپنی رائے میں غلط ہوں ،

اور اس بارے میں میرا مشاہدہ و تجربہ غلط ہو ،

لیکن اس گروپ کے مقاصد میں ایک یہ کوشش بھی شامل ہے ،کہ دیگر شعبہ ہائے فنون سے جڑے دوستوں تک نہ صرف مصوری کی کچھ معلومات پہنچائی جائیں بلکہ ان کے ذاتی علم و تجربہ اور رائے سے بھی مستفید ہوا جائے ،

اس پر آپ دوست رہنمائی اور تجاویز دے سکتے ہیں ،

شاہد حسین 

26 اکتوبر 2021